https://www.twitter.com/7i__u
تعالو هنا الله يحيكم 🤍.

كل هذا الحزن لأنك واعي لو انك هطف كان الآن انت سعيد

الرابعة فجرا .. قبل عدة أشهر قلت لصديقي أنني احتاج لشريكة حياه فسألني هل لديك حياة ليكون لديك شريكه سكت لثواني ثم بكيت بصمت

أنا المسافرُ والأحلام تحملُني
‏القلبُ بوصَلتي والعقل مِصباحي
‏الأرضُ بيتي وكل الناسِ عائلتي
‏بالحُبّ أوصلُ أرواحًا بأرواحِ
‏آمنتُ باليُسر بعد العسرِ في ثقةٍ
‏بمن يحوّل أحزاني لأفراحِ
‏سيفتحُ الله بابًا كنت تحسبهُ
‏من شدّة اليأس لم يُخلق بمفتاحِ

فمان الجرح .. لا والله فمان احزاني الكُبرى
فمان اغلى ثلاث سنين مِتّ بْها عشان اعيش

فمان الحب واحلام القلوب البيض والخضرا
فمان الآه من كثر الزعل والشوق والتطنيش

فمان عيونك اللي مالها بين العيون .. اُخرى
فمان غرورك اللي علّم الطاؤوس نفْش الريش

فمان ضلوع مكتوبٍ على أنحاءها اليُسرى
"هُنا توجد جروحي" لو تكرّمتي بلا تنبيش

فمان دموع لا تُسمن ولا تُغني من الذكرى
وانا اللي ماقدرت اطلع من اجوائي معك بشويش

فمان اشياء ماتنقال للعالم .. ولا تطرى
ممالك حُب .. دمّرها اللعب وسْياسة التطفيش

فمان الإيش؟ ما أدري .. ولكن الزمان ادرى
وانا اللي ضاع مايدري .. حبيبه ضيّعه لجل ايش؟

فمان الله ياقلبي مع انك جرح ما يبرى
كتب ربي عليّ اعيش من دونك .. وانا ما اعيش

ارتحت من حبك ورجوى وصالك
‏وارتحت من كثرة محاتات فرقاك

‏وارتحت من كثرة انتظار اتصالك
‏ومن حفظ جدول يومك ووقت ممساك

‏جدا طبيعي يوم جابو مجالك
‏ابشرك قلبي بدا صدق ينساك

‏اسلم وسلم جمل الله حالك
‏قلبي خلص والشوق والحب يفداك

‏ماقول ماحاولت الاقي بدالك
‏حاولت بس شلون في غيرك القاك

لاتنقل امثال العرب مثل ماجات
‏عدل ، ترى التعديل ماهو بـ بدعه

‏على سبيل اساعدكم في البدايات
‏جرب تشيل الراء من الحرب خدعه

‏ولا تحزن لو اصحابك ورا ظهرك تصير عداك
‏ورا ظهرك بتلقى ناس تفرح لك وتدعي لك

‏ولا تحزن على اللي مانسيت انه قدر ينساك
‏تأكد من يضحي فيك لا يمكن يضحي لك

‏ولا تحزن على عثرات عمرك جعلها تفداك
‏تشوف المقبل أجمل كل ما توقف على حيلك

ياليتني بأول نهار العيد ضمن الزائرين
بس الحظوظ الطيبه صكت جميع ابوابها

اكثر مايكسر خاطر العاشق مسافات الحنين
في لهفةٍ ماينحسب للعاشقين حسابها

لله ياغايب لقى لله بس يامحسنين
ترى العواطف لا طغت عيبًا على طلابها

لو شفتني اضحك مع العالم ترى قلبي حزين
معظم غلافات الكتب فاقت جمال كتابها

ماطاحت خيام الهوى للحين ناتجها سمين
وأخاف من عابر يشيل من الجذور أطنابها

كل عام وأنت اول واخر رحلتي بالعاشقين
وكل عام وأنت أجمل حياه أموتها وأحيابها

1444/12/11

شفت صورتك القديمه بالارشيف القديم
‏يوم عاد الوصل باقي وتأثير الغرام

‏والله ان شوقي لشوقك مثل شوق اليتيم
‏لا طراله والدينه وضيع فـ الكلام

‏حالت الاقدار من بيننا والله كريم
‏يمكن يصير الوصل بيننا مسك الختام

قبل اتبرّى من حنيني وانطوي خلف الستار
‏باقي قصيده بستبيح بغيبتك مكنونها

‏مالي ومال اهل القصيد اللي على نفس المسار
‏اللي يشوفون الشعر حاجه تخص بطونها

‏وجه الكرامه ليه اشوفه متّجه نحو اليسار ؟
‏في ساحةٍ ماني بعاقلها ولا مجنونها

‏لا تخسر الا ضيقتك .. بعض الخسارات انتصار
‏لا تكسب الا ضحكتك وان غيّبوا مضمونها

‏كانت تمر البال صوره ما تمل الانتظار
‏خليتها تنقض لي الذكرى وقلت اصونها

‏وشلون تمضي رحلة اقداري بجرحٍ مستعار
‏وانا سهرت ايّام عمري في سواد عيونها

‏من يقتنع بالليل ؟ دام الليل يمحوه النهار
‏وكفوفها من قبل اوادعها عجزت اخونها

‏ليت المرايا تتّكي .. ماهي بقد الانكسار
‏ليت الزوايا تشتكي وتعاتبك من دونها

‏البارحه كانت معي ، كانت معي والوقت دار
‏خلّتني اكتبها واخاف ان البشر يقرونها

‏ورّوني الضحكه على وجه اليتامى والصغّار
‏يمكن احس بقيمة ظروفي وطيب ظنونها

كنت واقع كثر ما كنت وهم وخيال
‏يا رهين الضلوع .. اللي نفذ صبرها

‏كسرة الخاطر اللي ما عليها جدال
‏طيف ذكراك ، ما يقدر على جبرها

‏لو على قولك .. إن أحلامنا ، لا تزال
‏وش موقّفني ( البارح ) على قبرها

‏المحبة ما كنت آشوفها راس مال
‏كنت آشوف الحياة الفانية عبرها

‏راح منها شعور وراح منها ، وصال
‏لين دار الزمان .. وراحت بـ كبرها

‏سهل ترجع على خبري هذيك الليال
‏البلا ( من يرجّعني ) .. على خبرها